Wednesday, September 9, 2009

Bahaso Jiwo Bangso..

(kalau x paham..pandai2 la yer)


post kali ni eden nk tulih lam bahaso nogori den..nogori mano laie kalau bukan NOGORI SOMBILAN...nogori paling bosar sokali sobab ado sombilan nogori eh..hahaha..

utk pongotahuan sumo..eden ni jarang cakap nogori..bukan apo..den x roti nk cakap nogori dongan org yg cakap key ell nih..den ckp ngan org kampung den yo..kalau kek umah tuh..ckap ngan nenek ko..pakcik ko..makcik ko..buleh laa..ngan mak ayah den pon jarang sobab mak ayah den pon ckap nogori ngan org2 tuo yo..huhu

ado gak yg x sangko yg den ni dr nogori sombilan sobab x ponah tokoluar kek mulut ni loghat nogori..

kek nogori sombilan tuh kalau ekau orang poie pokan sromban tuh(poie pokan..nek beska..tongah hari..tongah paneh..tonyanyi la plak)..x ramai org yg ckp nogori do..sumo eh da jadi org bandar..kalau nk dongar org nogori cakap..poie la kek kampong..jolobu ko..pilah ko..dapek la korang dongar bukan org tuo jo..budak2 kocik pon ckp bahaso nogori..

tp jangan lak sangko org duk banda x ckp nogori..nih si budak keyroll neh..kek skola pon dio ckap nogori..sampai budak skola golar dio nih datuk panglimo..iyooooo..ni la keyroll yg bolakon teator kek utp tuh..bilo kito budak2 skola kuar mkkn samo2..mako riuh la sumo eh dok ckap nogori..ngumpek pon lam bahaso nogori..x kesahla kek mano pon..baik kodai makan mahupon mekdi..hahaha..

eden ni mmg anak jati org nogori..mak ayah den org situ..memang den amalkan adat popatih..kek kampong den mmg masih amalkan..banyak da adat2 yg den da tengok..borandoi laa..naik batu nisan..potabalan undang..dulu ko cik2 den slalu ikot babap den g umah undang luak sungai ujong..derang kono mcm jumpo2 la di hari rayo..den suko poie sobab dapat duit rayo..haha..

haha..den da ngantuk da ni ha..nti2 la den tulih laie guno bahaso den ni yo..solamat malam sumo..

p/s:kalau ado x paham ..buleh la tanyo den..
p/s/s:sodap gak bilo nulih lam bahaso sondiri neh..

7 comments:

Nur Illiani Yen@Yem said...

bravo fad!
den pon nghoti sebonarnyo cakap nogori ni sobab moyang den asal dr minang.tp kampung den kt melako.borandoi den xpek agak apo dio.tp naek batu nisan tu adola kitrg buek.heheheh

ps:bangga weh!hahahaha.

ah-kieym said...

aku phm tp aku xreti nk balas~~
waaaaaaaaaaaaa!!!!!
sbb slalu duk dgr atuk dgn nenek ckp dgn org kampung..xpn dgn cucu cicit die yg bandar..lst2 msing2 tny org lain..wahahaha...
rindu lak dgn atuk nenek..lamo bonar eden xbalik kg eden nih..rindu samo soro nenek eden yg mcm haller~(pembesar suara tu la)

iLLy said...

despite being raised by terengganu parents. i understood what you wrote. hehehe

kemashady said...

fuiyo...
kot datuk panglimo baco pasti kagum nie.. osah anak jati nogori ko nih...

klu bkn kito yg bergosip dlm bahaso nogori..sapo laie...hahaha

siti otai said...

bird:borandoi tuh mcm adat tuk baby yg baru lahir..ado yg tuk cocah2 tanah tuh..cm tuh laa...

akim:balik kag singgah la umah eden..

illy:den understood wat u wrote too..hehehe..x susah pon bahaso nih..

kema:idup datuk panglimo!!

mr malcik said...

huhu..nice writing
ske bace

Kaloi said...

den kok tak dok pilah, monceh time kocik2 lu, haram tak ghoti cakap..

kok korang jumpo budak pilah yang eksen tak nak cakap nogori, elok kau bonam an yo palo eh dalam sungai..